لما اتكلمت عن تدخل مصر عسكريًا في السعودية لحماية أمنها ومصالحها ( خسائر قناة السويس) يعني لما مصر متعملوش حاجة يهاجموها و لما تعمل يعترضوا وقالوا: ليه مصر تدخل نفسها في حروب و هي غزة مش أقرب؟. هو الناس ناسية حجم خسائر قناة السويس و الارتباط الاقتصادي بين مصر و السعودية؟
طيب، هل معنى إننا مش هنقدر نحارب إسرائيل و الانتصار عليها إننا نتخلى عن كل دولة عربية تانية و نسيب أي حد يضرب مصالحنا في أي حتة ؟ حتى لو كنا نقدر ندافع عنها أو نساعدها من غير ما نعرّض مصر لحرب مدمرة؟
ليه فيه رفض تلقائي لأي تدخل عسكري مصري خارج الحدود، حتى لو كان مرتبطًا بأمننا القومي ومصالحنا الاستراتيجية؟ لو فيه تهديد علي قناة السويس و العالم بدء يشوف بديل و يلف راس رجاء الصالح ومصر عندها القدرة على المساهمة في ردعه من غير ما تدخل نفسها في حرب أكبر من قدرتها، فمن حقنا نناقش التدخل بناءً على المصالح والمخاطر من غير ما ينط حد يقولي و ماذا عن غزة؟ و مصر مش بس بتدعم السعودية لا كمان في تدخل عسكريا في ليبيا و السودان و الصومال..الخ
أيوه، مصر حاليآ معندهاش القوة العسكرية اللي تخلّيها تدخل حرب مباشرة مع إسرائيل و يكون حتي لو نسبة قليلة فرصة للانتصار وده مش عيب ولا حاجة نكسف منها، دي حقيقة لازم نتعامل معاها بواقعية. مفيش تكافئ في السلاح بين اسرائيل و مصر اللي يخلّينا نواجه إسرائيل بثقة و ده كله بفضل امريكا التي تهددنا بالعقوبات عندما طلبنا شراء S35 من روسيا و ترفض ان نشتري F35 منها و تستخدم كل الأدوات و كل ما اوتي لها من قوة عشان تفضل اسرائيل المهيمنة علي المنطقة، و لا يخفي علي احد ان بالإضافة الي ذلك مواجهة اسرائيل تعني مواجهة امريكا.
مش فاهمة ليه الناس بتتعامل مع الاعتراف بالحقيقة دي كأنه إهانة لمصر، وكأن الشجاعة هي ان تدمر شعبك و بلدك و في نهاية احتلال مصر من امريكا.
إسرائيل نفسها بتحسب تكلفة المواجهة فهي تحتل سوريا معن سوريا لم تطلق رصاصة واحدة علي اسرائيل منذ سقوط الأسد و لكن لا تجرؤ ان تفعل هذا مع مصر بسبب قوة جيش مصر لان حتي اسرائيل تعرف انو المهم مش بس مين أقوى ، لكن كمان هل المكسب يستاهل تكلفة الحرب ولا لأ.
ليا الناس بتنسي اننا حاربنا إسرائيل قبل كده، والتفوق العسكري والدعم الأمريكي كان ليهم تأثير كبير في ميزان القوة. و ده وقت ما كانت الحرب تتمركز حول ٤ جيوش عربية بيحاربوا اسرائيل و الآن منهم٢ اتدمروا ( سوريا و العراق) و وقت ما كان في حرب باردة و روسيا كانت تدعمك، فما بالك بالوضع الحالي، وإسرائيل عندها تفوق تكنولوجي وعسكري ودعم أمريكي اكبر بكثير من الماضي و قواعد أمريكية في كل الخليج؟
الآن تكتفي مصر بدعم القضية الفلسطينية دبلوماسيًا وإنسانيًا، وشاركت في جهود الوساطة و الضغط علي ادخال المساعدات الي غزة و الآن مصر ترفض اعتماد السفير الاسرائيلي في مصر منذ عام 2024.
الواقعية مش خيانة، والاعتراف بحدود قوتك مش ضعف. لكن عدم قدرتك على مواجهة عدو معين مش معناه إنك تتخلى عن استخدام قوتك في كل مكان تاني.
الدولة مش مطلوب منها تحارب في كل مكان، ومش مطلوب منها تدخل حرب انتحارية، لكن كمان مش منطقي إنها تستبعد القوة العسكرية من حساباتها تمامًا لمجرد وجود عدو أقوى منها.
