و قبلها اخويا بيتحرش بأختي

يا جدعان قرفتو ميتين اهالينا عليا النعمة

سؤال للنقاش ، هو انا بس اللي شايفه إنسان مدني ، مثقف، واعي ، كلمته حره ومفيش عليه غبار "غير التلفيقة بتاعة التزوير من النظام الحالي يعني بلح" ، حد سمعه وسمع حلول هو قدمها في فيديوهات كتير ولقاءات حد سمعه في مجلس الشعب كان بيتكلم ازاي ومن غير خوف، ولا احنا هنفضل نلف في دايرة الظباط دي كتير
"اللجان بنت كوم الزواني تمتنع عشان كده كده عارفينكوا"

دا السيسي اهون من الناس دى

اهلا من جديد : ) انهارده معانا ٦ برامج جداد (و واحد بونص) كل واحد منهم مفيد و يارب يعجبكوا

اولا حابب اعرف الناس الي مش بتعرف تنزل برامج من GitHub ازاي يعملوها لأن بسهوله:

-هتدوس على اللينك الي حطيته هيفتحلك صفحه سيبك كن كل حاجه و انزل تحت للاخر هتلاقي مكان اسمه releases دوس على الكلمه هيفتحلك صفحه انزل تجت لحد ما تلاقي البرنامج هيبقى لومه ازرق كأنه لينك و هيبقى (app name.apk) دوس عليه هتلاقيه بدأ ينزل علطول

1. compressor
   

https://github.com/JoshAtticus/Compressor

برنامج بسيط فكرته انك لما يبقى عندك فيديو حجمه كبير و عايز تبعته في مكان فيه ليميت للحجم زي ايميل او ديسكورد او ايا كان البرنامج ده بكل بساطه بياخد الفيديو ده و يضغطه منغير ما يقلل الجوده او بالكتير بيقللها بنسبه صغيره جدا. البرنامج وجهته بسيطه اوي و فيه انك تختار حجم الفيديو او نسبه الضغط او حتى المنصه الي هتبعت عليها الفيديو و هيضغطهولك للحجم ده و ممكن بسهوله يقص نص او اكتر من حجم الفيديو

1. sekka
   

https://sekka-eg.com/

برنامج مفبش لأي حد بيركب مواصلات و موجود على الاندرويد و الايفون كمان (لاخواتنا المظلومين) هو ببساطه بتحطله عايز تروح منين لفين بيقولك احسن المواصلات الي تركبها و تركب منين و تنزل فين بظبط و هياخد منك وقت قد ايه تقريبا و الاجره كام لو الاجره متسجله و كل التفاصيل الي ممكن تحتاجها برنامج سهل و استخدامه بسيط و مفيد جدا لو حد مش بيركب مواصلات كتير او رايح مكان اول مره يروحه و مش عارف المواصلات او حتى تايه في الطريق.... مشكلته الوحيده انه شغال في القاهره و الجيزه بس

1. komi store
   

https://github.com/komi-store/komi-store

ده ستور زي البلاي ستور كدا بس فيه برامج مفتوحه المصدر كتير حاحات كلها مش موجوده على البلاي ستور و من كل المنصات مش موبايل بس، هتلاقي حاحات للموبايلات و للبي سي و الشاشات السمارت و كل حاجه و ده واحد من البرامح الي انا شخصيا بستخدمها علشان اجيب البرنامج الي بعرضهالكوا دي

- ترشيحات تانيه لستورز حلوه جدا لازم تجربوها:

1- https://f-droid.org/

2- https://orionstore.pages.dev/

1. quick tile settings https://github.com/RBN-Apps/Quick-Tile-Settings
   

دي اسهل و احسن طريقه انك تشيل الاعلانات من اي موبايل/موقع او لعبه. البرنامج بكل بساطه بيحطلك زرار في ال control panel الي هي القايمه الي بتنزلها من فوق الي فيها الواي فاي و البلوتوث و كل ده. البرنامج بيزودلك زرار فيها لما بتدوس عليه بيمنع كل الاعلانات من كل الموبايل. طب فرضنا انك عايز تشوف إعلان في لعبه مثلا علشان هديه؟ عادي بتدوس عالزرار تاني و بقفلك الad blocker و الاعلانات ترجع تاني و هكذا. هو طريقه سهله و حلوه جدا لمنع الاعلانات في الموبايل

1. reezn
   

https://reezn.org/

برنامج افلام و مسلسلات بيشتغل عالموبايل و الشاشات السمارت و هو جميل جدا من احسنهم. اولا مفهوش اعلانات خالص و فيه افلام عربي غير الأجنبي طبعا و iptv لو بتشوف ماتشات موجود كل القنوات لايف كمان و كل الجودات لحد 4k (من اول 360p) و ترجمات و كل حاجه ممكم تحتاجها في برنامج للافلام. هو فيه ليميت ان الاكونت ينفع يتحط على جهازين بس و طبعا كل الفرجه و الحاجات بتتزامن بين الاجهزه عالاكونت

bonus. ameen

https://ameenapp.org/

هقول عالبونص هنا لأن اخر برنامج الرغي فيه كتير و هو برنامج امين و ده بالنسبه ليا و لرأيي احسن برنامج متكامل للمسلم لأنه فيه كل حاجه ممكم تحتاجها و منهم:

- مواقيت الصلاه و تذكير الصلاه و الاذان باصوات شيوخ كتير جدا

- القرأن كامل قرايه و سماع و تفسير حتى لكل ايه

- الاذكار كلها و لكل المناسبات

- مشغل فيل القرأن كام من شيوخ كتير جدا و حتى بث مباشر من اذاعات القرأن الكريم في اغلب البلاد العربيه

- سبحه و اتجاه قبله و تقويم اسلامي

- ويدجيتس حلوه للصلاه و الاذكار و حاحات كتير

و كل ده في برنامج شكله جميل و واجهته حلوه جدا و منغير اعلانات خالص فا هو من رأيي الاحسن بلا استثناء

1. YouTube morphe
   

https://gitlab.com/communitybuilds/Community-builds/-/releases

ده يوتيوب زي ما بنقول عليه "متهكر" بيشيل الاعلانات خالص و بيسمحلك تعمل حاحات بريميوم زي انك تحمل فيديوهات بجوده اعلى و انك تعمل queue للفيديوهات و هكذا و فيه مميزات كتير جدا مفيده جدا

ازاي احمله؟

فيه طريقتين اول طريقه لو انت نيرد و ليك في الحاجات دي تقدر تهكره بنفسك باستخدام الاداه دي: https://morphe.software/

طب لو انت مش نيرد و عايز تكبر دماغك؟ هتدوس على اللينك الي فوق و تنزل لتحت شويه لحد ما تلاقي ......youtube-universal-morphe بلون ازرق دوس عليه هيتحمل معاك و لما يتحمل و ينزل هتدخل عليه هيقولك محتاج تنزل برنامج خش و نزله (هو هيقولك ازاي) و دخل اكونت جوجل عليه و افتح يوتيوب ده تاني و روح settings> morphe> miscellaneous و انزل تحت و دوس import/export دوس عليها و اعمل بيست لكل الكلام الي في اللينك ده:

https://docs.google.com/document/d/12nwri6_NnyMmWAyqArklisU6nPs-O_QOcngStdrtFjk/edit?usp=drivesdk

هيقولك اعمل ريستارت اعمل و بس كدا مبروك عليك يوتيوب متهكر ببلاش و طبعا لو عايز تعمل ابديت للبرنامج هتدخل على اللينك و تنزل النسخه الجديده هز بيعمل اوتو ابديت على نفس اللينك : ) (و طبعا لو حد عنده مشكله او سؤال اسأل هساعدك تظبط الدنيا كلها)

المهم دي كانت كل البرامج الي معانا انهارده يارب يكونوا هعجبوكوا و خدت/ي منهم على الاقل واحد تستاف منه و قولنا في الكومنتات على اي برامج تانيه بتستخدمها شايفها مفيده و عابز تشيرها معانا

انا ليه اروح ادافع عن شويه متناكين بيقعدو يتريقو علينا في كومنتات تويتر والتيك توك وعن فلوسهم وعرضهم الحاجه الوحيده الي ممكن اقبل ان الجيش المصري يطلع يكون في تهديد حقيقي للحرمين الشريفين الكعبه والمسجد النبوي اوافق والمفروض كل المسلمين مش في مصر في العالم الإسلامي يدافعو لاكن دلوقتي ليه ادافع عنهم

الباشمهندس مش واخد باله إن أسعار تذاكر الطيران زادت ما بين 20% و30% بسبب ارتفاع أسعار الوقود، غير إن تكلفة الإقامة في الفنادق نفسها بتزيد مع ارتفاع أسعار السلع وتكلفة نقلها للمناطق السياحية.

أما موضوع إن الكهرباء ممكن تتقطع 8 ساعات يوميًا، فواضح إن الباشمهندس شايفه فرصة او من منظور سياحي مختلف: السائح يعيش أجواء طبيعية، بعيدًا عن الضوضاء والسوشيال ميديا والأنوار… تجربة Oriental أصيلة على ضوء الشموع 😄

يعني بدل ما نسميه انقطاع كهرباء، نسوّقه باعتباره:

Digital Detox – The Egyptian Experience 😂

.

​

سلام عليكم ازيكم يا شباب

انا عندي معضله و عاوز حل

انا بعد ما اتخرجت يشاء القدر إن والدتي تقع علي السلم و رجلها تتكسر

للأسف والدتي عندها مرض السكر و الروماتويد و هشاشه عظام

والدتي عملت عمليه و قعدت جنبها قيمه سنه و نص لغايه ما اتحسنت شويه و عرفت تمشي باستخدام العصايه

انا بعدها اشتغلت كول سنتر في القاهره (احنا من الغربيه)

لكن بعد فتره الشريحه اتكسرت و أمي رجعت تقعد علي الكرسي تاني و كلمنا الدكتور قالنا بسبب هشاشه

العظام و الروماتويد والدتي من حاتستحمل عمليه تانيه

استأذنت من مديري اشتغل من البيت و هو وافق.

يشاء القدر إن شغلي في البيت يجي وقت الكورونا و ابويا ما كانش بيرضي يصلي في البيت لازم ينزل يصلي في الجامع .... المهم الكورونا مسكت فيه و مسكت في والدتي و كنت انا المسؤول عنهم ( انا ليا اخ شغال في الامارات و اخت متجوزه و مخلفه بنتين كانت بتزورنا لما تكون فاضيه ) ... فتره الكورونا انتهت و ابويا بقي كويس لكن أمي حالتها تتدهور عشان نكتشف بعد كده

أن عندها لوكيميا (سرطان دم )

بعد فتره الكورونا كنت لازم انزل اشتغل في الشركه ٣ ايام في الاسبوع كنت مش بقدر احقق الموضوع ده بسبب مرض والدتي .... ارقامي قلت و مش بقيت اعرف احقق التارجت و الشغل قرر يمشيني

و ابويا عنده ضغط الدم و بسببه بقي مش بيعرف يركز كويس في اللي بيعمله و روحنا للدكتور و شرحلي أن بسبب الضغط الدم مش بيحصل للمخ بطريقه سليمه عشان كده ابويا بقي يتوه في أفعاله و كلامه

انا حاليا تميت ٢٩ سنه ... قاعد في البيت بقالي سنتين مش عارف اسيب ابويا و امي و مش عارف اشوف مستقبلي

حد عنده حل للحاله اللي انا فيها ؟

مش هما هما نفس الناس الي كانو عالمين استفتاء عزل للسيسي و الناس قعدت تنزل علي رديت وصل اربعه مليون وصل خمسه

ده بعيدا عن الضحك بتاع الاسماء نجيب ساويرس و اتنين من الجيش و محمود الخطيب و يحيي موسي جمال مبارك

هو انتم يجدعان بتحسبوها من انهي جهه معلش انه حاجه من ريحه مبارك يعني؟

ده علي اساس ان مبارك كان معيشنا في الجنه مثلا هو بالنسبة ليك عشان اقل وساخه من السيسي يبقي هو كويس طب ما بنفس المنطق بقي لو جه واحد بعد السيسي اوسخ منه هتطلعوا تقولوا عايزين محمود السيسي يمسك انتم مجانين يجماعه هو مش انتم الي عملتوا الثوره عشان كان عايز يورث البلد لولاده ولا انا اتجننت

حاجة لفتت انتباهي اوي اني مسمعتش صوت شيخ واحد بس من الشيوخ بيتكلم في حادثة السائحات (الي طلعوا ترانس بالمناسبة) وينصح الشباب او يقول حتي ان الي الرجالة عملوه في الفيديو دا قلة ادب

فين عبدالله رشدي؟ والباقي الي صبح ليل بيتكلموا عن الستات

المضحك ان لما البنت ساقت اسكوتر ناس طلعت تتكلم وقلبوا الدنيا اكتر من الحادثة بتاعت البرازيليات دي، بقوا صم بكم عمي

في الاخر الناس تزعل لما بنت تقول ان الشيوخ دول موراهمش غير الستات

يخربيت الضحك

Huthis today declared that the support of Saudi Arabia is a declaration of war on Yemenite Huthis.

https://swedenherald.com/article/yemens-houthis-say-egypt-has-declared-war-after-parliament-backs-measures-to-support-saudi-arabia

I can see that tourism and airports are a common target for them. I think about cancelling my trip in two weeks.

Your thoughts?

هو ليه عملتنا هشة للدرجة دي و بتتأثر من اي تفة حواليها حتى لو بعيد عنها

1. انت قلت ان اقوى 3 مضادات اكسدة في العالم هي العجوة بتاعت المدينة و البنجر و الحجامه

. لكن لما بحثت موجدتش اي بحث او تصنيف عالمى لاقوى مضادات اكسدة و مفيش تصنيف علمي عالمي متفق عليه بيقول إن العجوة والبنجر والحجامة هم أقوى ثلاثة مضادات أكسدة في العالم أصلًا وصف حاجة بأنها «الأقوى» محتاج تحديد: أقوى في أي تفاعل كيميائي؟ داخل أي نسيج؟ وبأي تركيز؟ وهل النتيجة ظهرت في المعمل ولا ثبت لها تأثير صحي عند البشر؟

علميًا، الجسم عنده منظومة دفاع متكاملة ضد الإجهاد التأكسدي، لكن العجوة والبنجر فيهم نسب من مضادات الاكسدة بس مش لدرجة انها الاقوى

1. انت قلت ان نوبل في الطب لسنة 1998 كانت عن الحجامه و ده خطأ لانها كانت عن اهمية جزيء اكسيد النيتريك و انت قولت ان الحجامه بتعمل الجزئ ده لكن ده مش مثبت بشكل كافي لحد النهاردة و مفيش تطبيقات عملية تثبته و هو بحث واحد اللى قال كده

٣. انت قلت ان مفيش حد اخد حباية الغلة و عاش و ان لو اجتمع كل دكاترة العالم مش هيعالجوه و يحموه وانه 100٪ميت و ده خطأ لان فيه حالات كتييير نجت من حباية الغلة و عاشت بعدها عادى جدا و ده لأن فرص النجاة بتختلف حسب شدة التسمم وحالة الشخص وسرعة تلقي الرعاية الطبية

٤. مع كامل احترامى لعمرو عبدالجليل بس هو لا يصلح لأن يكون قائد و منظم للحوار لإنه كان المفروض يكون محايد تماما و مش يدى رأي او ينحاز لاحد الطرفين و يوصل بيه الموضوع للتريقة على كل كلمة يقولها الضيف و يوتره و يعتبر كلمة لو انت راجل شتيمة و كلمة فاجر و فارغ العقل عادى و يتغاطى عنها

٥. انت شايف ان العلم النهاردة أقرب الى الإيمان و ده بسبب تشابه بعض الايات القرانية مع الاكتشافات الحديثة لكن احب اقولك ان العلم متغير وليس ثابت.. طب زمان قبل الاكتشافات دي كان الايمان متنافي مع العلم وقتها وبعدين لحد دلوقتي اصلا لسه فيه حاجات من الدين مش متوافقة مع العلم و ممكن تتوافق في المستقبل مع الاكتشافات والابحاث الجديدة(مثال على كده الاية بتاعت مصدر السائل المنوي هل هي من الخصية والبروستاتا زي ما العلم بيقول ولا من الضلوع والظهر زي مالقران بيقول و برضو بالنسبة لحديث الذبابة و ان عندها جناح فيه داء و جناح فيه دواء و احاديث تانية كتير غيرها ) و ممكن القوانين الفيزيائية تتغير في المستقبل مع الاكتشافات الجديدة برضو

٦. حضرتك مقولتش برضو ليه الاسلام مش حرم الرق والعبيد و السبي و زواج القاصرات طالما هي شر سواء مجتمعى او ذاتى و حرم باقي الحاجات اللى كانت موجودة في مجتمعهم زي الزنا و الوأد و الخمر

انت قولت ان الجيوش الاسلامية مش حاربت غير اعدائها اللى حاربوها بس التاريخ بينكر ده و انتوا بنفسكوا بتقولوا ان الاسلام انتشر للعالم عن طريق الجهاد و الحروب و تدمير الحضارات و ان انت اللى تحكمهم و تجمع منهم ضرايب كتيييرة و تحدد مصيرهم زيك زي اي احتلال قديم و ان المفروض كان ينتشر بالرحمة والتسامح والموعظة الحسنة زي ما هو وصل لماليزيا و دول شرق اسيا بدون نقطة دم واحدة و حضرتك مقتنع ان السبي رحمة للمرأة طيب ايه رأيك في سبي آل البيت رضي الله عنهم لحد قصر يزيد مكبلين بالسلاسل من الرقبة و الذراع طيب ايه رأيك لو انت و أهلك وبلدك في حرب ضد مسلمين برضو و اخدوا اهل بيتك ك سبايا يتصرفوا فيهم براحتهم

هل هتكون مبسوط زي ابو هريرة وتقول ياريتنى اتسبيت معاهم ولا انت عمرك ما هتثق او تطمن عليهم وهما تحت رحمتهم

.. طيب ليه اصلا يكون فيه سبي؟ مش انتوا قواعد الحرب عندكوا بتمنع قتال الاطفال والشيوخ والنساء والرهبان

مش المفروض انتوا بتحاربوا في ساحة المعركة بس و مبتحرقوش بيت ولا زرع و لو دخلتوا المدينة المفروض تعملوا زي ما الرسول عمل وتقول اذهبوا فأنتم الطلقاء و من لزم بيته فهو آمن

ليه حد عاقل يقتنع ان سجن واستعباد المرأة رحمة ليها اكتر من انها تكون حرة في بيتها ترعى ابنائها؟

+ انت بتتكلم على ارسطو و افلاطون و غيرهم من فلاسفة اليونان وانت مقتنع ان اي ملحد بيقدسهم لمجرد انهم فلاسفة؟

لأ هما عندهم حاجات كتيرة غلط و اهما نظرتهم المريضة للنساء

و في النهاية و اهم نقطة عندى انت شخص متناقض اوى

طالع بتهاجم الدحيح والسعدنى لانهم بيقدموا العلم بدون ما يدمجوه بالدين او يتكلموا على علماء المسلمين

طب ما هما بيتكلموا فعلا عن علماء مسلمين و لو فيه علماء منهم دلوقتي عملوا ابحاث و ذو شأن عالى في العلم كانوا اتكلموا عنه

لكنك بتدمج بين العلم والدين و تستحقر من يأخذ علمه من اشخاص مش من دينك؟ و تطلع عليهم نظريات مؤامرة و اجندات وبتاع

انت قلت بالنص الصريح (الشاهد من كلامى هو حجة القول وليس حال الشخص انا مالى بحال الشخص ) انت هنا كنت بتتكلم وتدافع عن استدلالك بعلماء ملحدين ويهود

ف ما كل هذا التناقض ليه ميكونش الدحيح والسعدنى بياخدوا حجة او ابحاث الناس دي برضو و ملهمش علاقة بأصله او توجهاته

أخيرا انت بتنكر ان القرآن فيه كلمات من لغات سابقة ليه و ده غلط طبعا لأن اللغة العربية نشأت على انقاض لغات مختلفة و تأثرت بهم و فيه كلمات هيروغليفية دخلت الى اللغة الإنجليزية واللغة العربية

في النهاية المفروض انك دكتور بشري ف معلوماتك لازم تكون صح مش مشوهه و مأڤورة و منحازة بطريقة عمياء للحضارة الاسلامية

شيت بوست